Sunday 26 July 2009

దైవదర్శనం

ఇద్దరు వ్యక్తులు ఒక పర్వతమార్గంలో పోతున్నారు.

వారిలో ఒకడు ఒక కొండకేసి చూపుతూ "అక్కడ, ఎత్తుగా, కొండవాలున, ఆ కుటీరం కనిపిస్తున్నది చూశావా? ప్రపంచాన్ని చాలాకాలం క్రితమే త్యజించిన ఋషి ఒకాయన అక్కడ నివసిస్తున్నాడు. ఈ ప్రాపంచిక విషయాల్ని వేటినీ ఆయన ఆశించడు- కేవలం భగవంతుడినే అపేక్షిస్తుంటాడు" అన్నాడు.

"ఆయన తన ఈ పర్ణశాలను, ఈ ఆశ్రమపు ఒంటరి జీవితాన్నీ వదిలి పెట్టేంతవరకూ, -మనతోబాటు కలిసిపోయి, మన సంతోషాల్నీ, దు:ఖాల్నీ పంచుకుంటూ. మన ప్రపంచంలోకి వచ్చి చేరుకునేంత వరకూ- వివాహపు వేడుకల్లో మన వాళ్లతో కలిసి నాట్యం చేస్తూ, మనవాళ్ల మృత కళేబరాల చుట్టూ చేరి, మనం ఏడ్చినట్లుగా ఏడుస్తూ ఉండలేనంత వరకూ ఆయనకు భగవంతుడు కనపడడు" అన్నాడు రెండవవ్యక్తి.

రెండవవ్యక్తి తన మనసులోనైతే ఆ మాటతో పూర్తిగా ఏకీభవించాడు. అయినా అన్నాడు"నేను నువ్వు చెప్పినదానినేమీ కాదనను- కానీ 'ఆ ఋషి మంచి మనిషి ' అని మాత్రం నమ్ముతాను నేను. అయినా, ఓ మాట చెప్పు- నిజంగా లేకున్నా పైకి మాత్రం కనబడే ఇందరు మనుషుల మంచితనం కంటే, ఇక్కడ లేని నిజమైన మంచి తనమే మంచిది- కాదంటావా?" అని.

No comments:

Post a Comment

Creative Commons License
ద్రిమ్మరి by కొత్తపల్లి బృందం is licensed under a Creative Commons Attribution 2.5 India License