Saturday 25 July 2009

నీడ

ఆషాఢ మాసంలో ఒకనాడు, గడ్డిపోచ ఒకటి, ఒక తాటిచెట్టు నీడతో అన్నది చికాకుగా- "నువ్వసలు నిశ్చలంగా ఉండవేమి? ఎప్పుడూ అటూ-ఇటూ కదులుతూ నా ప్రశాంతతను పూర్తిగా భగ్నం చేస్తున్నావు!" అని.

"అయ్యో! నేను కాదు, నేను కాదు. ఒకసారి తలెత్తి చూడు, ఆకాశంవైపు! అక్కడో చెట్టుంది- గాలికి తూర్పుకూ, పడమరకూ ఊగుకుంటూ- చూశావా, భూమికీ, సూర్యుడికి మధ్యగా ఊగుతున్నది?" అన్నది నీడ.

అప్పుడు గడ్డిపోచ తలెత్తి, మొట్టమొదటి సారిగా బ్రహ్మాండమైన తాటిచెట్టును చూసింది. "ఆహా! చూడు! నా కంటే పెద్ద గడ్డి ఇంకోటి ఉన్నది!" అని అది తనలో తనే అనుకొని అబ్బురపడింది.

ఆ పైన అది చప్పుడు చేయలేదు.

No comments:

Post a Comment

Creative Commons License
ద్రిమ్మరి by కొత్తపల్లి బృందం is licensed under a Creative Commons Attribution 2.5 India License