Monday, 6 July, 2009

నవ్వులు-కన్నీళ్లు

నైలునది ఒడ్డున, సాయంకాలం పూట, నది ప్రశాంతంగా ఉన్న సమయంలో హైనా ఒకటి, ఒక మొసలిని కలిసింది. రెండు ఆగి, ఒకదానినొకటి పలకరించుకున్నాయి.

హైనా అడిగింది "బాగున్నారాండీ, మొసలిగారూ? ఎలా ఉంటోంది, మీ జీవితం?" అని.

మొసలి అన్నది, "అయ్యో ఏం చెప్పను, అస్సలు బాగాలేదు. నా బాధలో, దుఖంతో ఒక్కోసారి నేను ఏడుస్తాను. అప్పుడు చూసిన ప్రతి ప్రాణీ "అవి కేవలం 'మొసలి కన్నీళ్ళే' " అని తీసి పారేస్తుంటారు. అది విన్నప్పుడల్లా నాకు చెప్పలేనంత బాధకలుగుతుంది. అని.

అప్పుడు హైనా అన్నది- "నువ్వు నీ బాధ గురించీ, నీ దు:ఖం గురించీ చెప్పుకుంటున్నావు.
కానీ నా గురించి కూడా ఆలోచించు కొంచెం. నేను ఈ ప్రపంచపు అందాల్ని చూసీ చూసీ, దానిలోని అద్భుతాల్ని, వింతల్నీ గమనించి, ఆశ్చర్యానందాలతో, ప్రకృతి నవ్వుతో శృతి కలిపి నవ్వుతాను. అప్పుడల్లా అడవిలోని మనుషులు అంటారు: " 'ఇది కేవలం హైనా నవ్వే' అని!"

No comments:

Post a Comment

Creative Commons License
ద్రిమ్మరి by కొత్తపల్లి బృందం is licensed under a Creative Commons Attribution 2.5 India License