Saturday 25 July 2009

తిమింగలము - సీతాకోక చిలుక

ఒకనాటి సాయంత్రం పూట, రైల్లో ఒకాయన, ఒకామె అనుకోకుండా కలిశారు. వాళ్లిద్దరికీ ముందే పరిచయం ఉన్నది.

అతను ఒక కవి. ఆమె ప్రక్కనే కూర్చుని, అతను ఆమెకు కథలు- కొన్ని అల్లినవీ, కొన్ని ఇతరులవీ కూడానూ- చెప్పి ఉల్లాసపరుద్దామనుకున్నాడు.

కానీ అతను ఇంకా మొదలు పెట్టీ పెట్టకనే ఆమె నిద్రలోకి జారుకున్నది. అకస్మాత్తుగా బండి కుదపటంతో, ఆమె లేచి కూర్చున్నది. వెంటనే కవితో అన్నదామె- "జోనా మరియు తిమింగలం కథను మీరు వివరించిన తీరు నాకు చాలా నచ్చిందండీ!" అని.

"కానీ తల్లీ! నేను నీకు ఇందాకటి నుంచి చెబుతున్నది అదికాదు. నేను స్వయంగా రచించిన "సీతాకోక చిలుక - తెల్ల గులాబీ"ల కథను, అవి రెండూ ఒక దానితోఒకటి ప్రవర్తించిన తీరును చెబుతున్నాను!" అన్నాడు కవి.

No comments:

Post a Comment

Creative Commons License
ద్రిమ్మరి by కొత్తపల్లి బృందం is licensed under a Creative Commons Attribution 2.5 India License